美容業低門檻高人工？月入竟可達六位數？！

美容業係一個看似神秘但絕對係充滿機會嘅行業！其實有唔少畢業生或有意向轉行嘅都會考慮入行做美容。原因好簡單：多勞多得！如題所見，今次同大家分享吓入職美容師同美容顧問嘅收入狀況同埋前景又係如何？

睇咗呢篇未呀︰拆解美容師、美容顧問有咩分別！入行又要咩條件？

人工係點計？

一般而言，美容師同美容顧問嘅收入都係底薪加佣金。當然佣金分配都要按各美容院嘅營業模式而有所不同。大致上分為自己搵客同美容院提供客兩種模式。

自己搵客佣金最高！

以美容師或美容顧問需要自己搵客嚟講，呢種模式就可以分得最多佣金！因為由搵客人到落手落腳做美容都需要自己一手包辦。所謂「一分耕耘、一分收穫」，除咗要親手做美容，仲要靠口才去留住班顧客。所以相較之下，佣金分成自然會係最高啦！呢類嘅美容師或美容顧問可以話係接近同老細用合夥形式去營運，美容顧問人工可高達六位數！

另外一種係由公司提供客戶俾美容師同美容顧問，無需要自己喺出面搵客。一般呢個狀況佢哋嘅佣金會係人工嘅兩倍左右，當然要配合佢哋嘅個人業績再調整。不過，若果美容師同美容顧問喺公司提供完客人之後一直跟進住，佣金可以係人工嘅三倍。

相關職位： 醫學美容助護(肌妍醫學美容集團)

有冇前景？

不論係美容師抑或美容顧問想搵到更高人工同穩定前途，美容業絕對可以俾到你！

通常連鎖美容院嘅美容顧問每日會見20個客人左右，可以拉到幾多客人就要靠你個人嘅銷售技巧喇。但佢哋需要每日向公司報數，會有一定嘅壓力。

不過另一方面睇，佢哋唔需要建立自身嘅人際網絡因為公司會提供客戶，加上願意勤力啲去推銷見客嘅話，更加可以喺未來有足夠能力開一條team！由自己管理新入行嘅顧問，咁樣人工就會再提升喇！所以，美容顧問看似死守著同一崗位，其實內部嘅晉升階梯都絕對吸引！

另外，有些美容師會選擇類似以自僱形式嚟全程自己跟進返同一個客，呢種方式相對上收入都會比較高。由於每日嘅時間所限，美容師一般都會集中儲住幾十位穩定客戶。透過舒服有效嘅美容技術令客戶留下好嘅印象，從而促使該穩定客戶為美容師介紹更多嘅潛在客群。久而久之，美容師就能專注地提升美容技術又可以儲到一班固定客人！

更多職位招聘︰立即查看

其實進軍美容業有很多晉升嘅機會，最重要嘅當然不外乎係願意付出精神同努力去提升自己。如果對美容行業有興趣嘅就快啲入行啦！

想收到最新職位空缺資訊？立即加入職極GigGik揾工快線！！

追蹤及讚好職極GigGik專頁！

聯絡我們